माऊली
*******
चालव माऊली तुझ्या वाटेवर जन्म पायावर उभा कर
रांगलो बहुत घेऊनी आधार
इथे आजवर काल्पनिक
भयभीत जिणे चाललो चाकोरी
दृढ व्यवहारी चिटकून
कळू कळू येते माझे वेडेपण
झापड लावून चालणे ते
कानी येते काही मंद तुझी साद
स्वप्न हृदयात उसळते
पाहू नको अंत तुझ्या लेकराचा
आक्रोश जीवाचा शांत करी
करी तडातोडी पायीची ही बेडी
येवुन तातडी कृपा कर
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा