राम
***
राम प्रेमाचा पुतळा राम भक्तीचा जिव्हाळा
राम तारतो सकळा
भवसागरी ॥१
राम अयोध्येचा राजा
धावे भक्ताचिया काजा
गती अन्य न मनुजा
रामा विना ॥२
राम म्हणता म्हणता
चुके यम दारवठा
मोक्ष चालता चालता
हातात येई ॥३
म्हणा राम एकवार
करा संसार हा पार
साऱ्या शास्त्राचे हे सार
रामनाम ॥४
रामनामी सुखावला
खोटा संसार खुंटला
उरे विक्रांत एकला
अंतर्यामि ॥ ५
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा