कवितेसाठी कविता: साक्षीदार

गुरुवार, २४ एप्रिल, २०२५

********

अनंत असतो प्रवास जीवाचा

मातीत रुजून अपार व्हायचा ॥१

नव्या रुजण्यात म्हणते जीवन

नव्या उमेदी मी आकाश होईन ॥२

घडते फुलणे घडते फळणे

कणकणात ये सजून जगणे ॥३

पण अवघ्याचा पडतो विसर

वठणे जोवर न ये अंगावर ॥४

आकाश असते मग्न आकाशात

माती ही असते धन्य आपल्यात ॥५

काळपटावर नाटक घडते

युग साक्षीदार पान उलटते ॥६

घडते वठणे घडते जळणे

अस्तित्वाचा अन अर्थ हरवणे ॥७

पानोपानी जरी तीच कहाणी

नाटक रंगते नवीन पात्रांनी ॥८

🌾🌾🌾

https://kavitesathikavita.blogspot.com

☘☘☘☘ 🕉️ .