माझी बहीण
**********
आपला खाऊ भरकन खावून
तुला लाडी गोडी लावायचो
अन् तुझ्या वाट्याच्या मिठाईवर
डल्ला मारायचो
तेव्हा आपल्या हुषारीचा
किती अभिमान वाटायचा मला
पण आता कळतेय
तुला माझा आप्पलपोटी पणा
माहित असूनही
तो स्विकारून
तू द्यायचीय मला तुझा वाटा
माझ्या हुशारीच्या अहंकाराला
जरा ही न दुखवता
किंबहुना त्याची दखल ही न घेता .
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ .
कोणत्याही टिप्पण्या नाहीत:
टिप्पणी पोस्ट करा