स्वामीमाय
*******
आकाश मोजावे कैसे हाती ॥१
माझिया शब्दांचे इवले भांडार
तुम्हा पायावर वाहियले ॥२
काय त्याचे मोल जरी ना जाणतो
परी उधळतो वारंवार ॥३
मातीच्या भांड्यात मातीची व्यंजने
घेई कौतुकाने माय हाती ॥४
तैसी माझी बोल करावे स्वीकार
तुम्ही कृपाकर मायबाप ॥५
विक्रांत वर्णाया जरी उताविळ
स्वामीच केवळ वदवते॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘..
कोणत्याही टिप्पण्या नाहीत:
टिप्पणी पोस्ट करा