*************
हव्या सर्वकाळ सुखाच्या या गोष्टी अस्तित्वाची स्मृती विसराया ॥१
कळल्या वाचून ओघळतो काळ
विझतोच जाळ क्षणोक्षणी ॥२
अटळ अंताची चाहूल मनात
घडावा सुखांत तोही वाटे ॥३
अश्या या सुखाची रोम रोमी उर्मी
येतात उठूनी रात्रंदिनी॥४
घडणे ही खोटे सरणे ही खोटे
नर्तन ते लाटे चाले सदा ॥५
मनाच्या या गोष्टी मना न कळती
वारे घोंगावती दिन रात ॥६
उमटण्या आधी प्रतिमेचा अंत
होय आरश्यात काय कधी ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘.
कोणत्याही टिप्पण्‍या नाहीत:
टिप्पणी पोस्ट करा