शुक्रवार, १ एप्रिल, २०२२

दृढ धरी

दृढ धरी
********
दृढ धरी मज
माझ्या ज्ञानदेवा 
चरणाशी द्यावा 
ठाव सदा ॥१

चपळ मन हे 
तुज असे ठाव
चालेना उपाव
माझा इथे ॥२

येते पुन्हा जाते 
दिशात हिंडते 
पथही चुकते 
परतीचा ॥३

गुरु महाराव 
तूच सांभाळता 
रडता पडता 
जगतात ॥४

धरतो चरण 
तुझे जन्मभर 
पडो न विसर 
कधी तुझा ॥५

सखा तू सोबती 
जन्माचा सांगाती 
विक्रांता या भेटी 
कधी देसी॥६

🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘.

कोणत्याही टिप्पण्‍या नाहीत:

टिप्पणी पोस्ट करा

फुंकर

फुंकर  ****** माझिया प्राणात घाल रे फुंकर विझव अवघा लागलेला जाळ  मग मी जगेन होऊन निवांत  तुझ्या सावलीत दत्ता दिनरात  सगुण निर्गु...