परी

परी

*****

तुझ्या पैंजणाचे गाणं 
माझे आठवते मन
पाय इवले इवले
झिम्मा खेळती अजून ॥१

कुण्या राजाची तू लेक
फुल स्वर्गीय सुंदर
तुझे हलणे डोलणे
शब्दविना रुणझुण ॥२


तुझ्या रेशमी ओठात 
हसू येईल खळाळून 
नाद निष्पाप मोकळा
जग जाई भारावून ॥३

चित्र काढल्या रुपाची 
मूर्त सजीव देखणी 
आज दूर जरी किती 
रूप वसे माझ्या मनी ॥४

रहा सुखात तिथेही 
देतो आशिष येथून 
भेटी होणे नाही तरी 
जातो कितीदा भेटून ॥५

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com 

☘☘☘☘☘☘.