गोरख नाथ
*********
गोरक्षाची भक्ती ध्यात असे चित्ती
तशी व्हावी वृत्ती
वाटे मज ॥१
गोरक्ष वैराग्य
हृदयी उदावे
जीवित हे व्हावे
धन्य तैसे ॥२
गोरक्ष शिष्यत्व
मनातच सजावे
गुरु पदी व्हावे
समर्पित ॥३
गोरक्षसा गुरु
मिळावा जीवनी
सार्थक कहाणी
व्हावी माझी ॥४
विक्रांत नमितो
नित्य गोरक्षास
कृपा प्रसादास
लाचावला ॥५
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्या नाहीत:
टिप्पणी पोस्ट करा