कवितेसाठी कविता: महामानव

गुरुवार, १४ एप्रिल, २०२२

********

इथून तिथून इतिहास हा शोषणाचा आहे

मी अन माझ्या वंशजांच्या सुखाचा आहे

कधीतरी कोणी सांडून खुज्या स्वार्थाला

राहतो उभा न्याय शोषितांना त्या द्यायला

होतो विद्ध तो लढतांना शतवार या तिथे

जळते ह्रदय त्याचे जणू वेदनांचे घर होते

रक्तातून त्याच्या फुलतात लाख-लाख मळे

धुत:कारले कालचे आज भोगतात सुख सोहळे

मार्टिन ल्युथर अब्राहम लिंकन फुले-आंबेडकर

किती एक प्राण घेऊन लढले तळहातावर

काय त्यांचे वंश आहे बसले कुण्या गादीवर

काय त्यांची घरे आहेत महाल कुठे उंचावर

ही गोष्ट वेगळी की कुणी करतात रे व्यापार

घेऊन झेंडा त्यांचा उगा मिरवती खांद्यावर

पुन:पुन्हा इतिहास होतो तो तसाच फिरून शोषणारे येतात इथे पुन:पुन्हा नाव बदलून

येतील महामानव जातील देवत्व मिळवून

न जाणे खेळ हा पण कधी जाणार संपून

🌾🌾🌾

https://kavitesathikavita.blogspot.com

☘☘☘☘☘