******::
लौकिकात बहु मिरविले दत्ता
पुरे करी आता
प्रदर्शन ॥ १
बहु फुगवला
दत्ता खोटा अहं
पुष्ट केला देह-
भाव माझा ॥
भरे आता पोट
लौकिक सुखाने
देवा केले जीणे
समाधानी ॥
तुझिया दारात
आता रे येऊन
राहावे पडून
जीवा वाटे ॥
पाहिले जीवन
थोडे ये कळून
परी तुजविन
शून्य सारे ॥
शून्य करी मन
अस्तित्वा हरून
तुझिया वाचून
नुरो काही ॥
विक्रांत नसण्या
होय उताविळ
असण्याचा सल
अंतरात ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्‍या नाहीत:
टिप्पणी पोस्ट करा