चैत्र
*****
पानाफुलात नटला
जीर्ण फांदीला खोडाला
कैफ जीवनाचा आला ॥१
गेला ओघळून किती
जीर्ण संभार पिवळा
येण्या-जाण्याचा अनादि
खेळ बंदिस्त चालला ॥२
रंग भरती डोळ्यात
गंध दाटती मनात
करी लगबग जाण्या
ऊन सोनेरी दारात ॥३
स्वप्न जुनाट कोवळे
हिरवी डहाळी होते
कानी किलबिल तरी
मनी विराणी जागते ॥४
धूळ परतीची उडे
मन पाऊल शोधते
गंध दाटले काळोखी
नभ निळे याद होते ॥५
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्या नाहीत:
टिप्पणी पोस्ट करा