चादर
*****
मनाची चादर मनाला पुरेना
अंग हे झाकेना
अज्ञानाचे ॥
भुक्ती मुक्ती कीर्ती
चवीचे खादणे
जन्म जीभ म्हणे
देई पुन्हा ॥
रंग कामनांचे
अनंत छटांचे
रंजन मनाचे
सदा चाले ॥
सापडेना दत्त
तापल्यावाचून
पेटल्या वाचून
काडी जैसी
विक्रांत भक्तीची
नको वाताहात
सांज ही पायात
जीवनाची
****
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
कोणत्याही टिप्पण्या नाहीत:
टिप्पणी पोस्ट करा