उपाधीत
********
उपाधीत मरणे
मज लाजिरवाणे
करू नको ॥
असे रुतलेलो
गाळी अडकलो
मरणा लागलो
सोडवी रे ॥
घेई देह सारा
मनाचा पसारा
सोडून दातारा
जाऊ नको ॥
धावे बळेविन
गातो गळ्याविन
भजे भक्तीविन
तुजलागी ॥
आलोय शरण
तुज दयाघन
इतुके जाणून
हात धरी ॥
दोषांचे भांडार
भरले अपार
दृष्टी तयावर
देऊ नको॥
दत्त दत्त दत्त
हृदयात गीत
भरो तुझी प्रीत
कणोकणी ॥
अजून ते काही
मागणे रे नाही
विक्रांता या पायी
राहू दे रे॥
© डॉ.विक्रांत प्रभाकर तिकोणे
https://kavitesathikavita.blogspot.com
**********
कोणत्याही टिप्पण्या नाहीत:
टिप्पणी पोस्ट करा