दरवर्षी ॥विसर्जनी
फटाके फुटती
नगारे वाजती
पैसे ते जळती
जनतेचे ॥
कोणी काय केले
कुठून ते आले
प्रश्न हे असले
पडू नये ॥
आहाहा सेट तो
असेल लाखांचा
हिशोब तयाचा
कोण सांगे ॥
डीजेचा आवाज
ठणाणा वाजतो
डोके उठावतो
सारी रात्र ॥
कशासाठी चाले
व्यर्थ हा गोंधळ
ज्ञानी गावंढळ
मौन का रे ॥
न कळे बाजार
कधी हा थांबेल
भक्तीचा कळेल
अर्थ जना ॥
देवा श्री गणेशा
मागणी तुजला
आवर चालला
प्रकार हा ॥
कानात किटला
विक्रांत थकला
कापूस कोंबला
कानी मग ॥
डॉ.विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्‍या नाहीत:
टिप्पणी पोस्ट करा