गुरुवार, १९ ऑक्टोबर, २०१७

॥नारायणपूर ॥



॥नारायणपूर ॥


चैतन्य भरले 
साकार सजले 
मूर्तीत ओतले 
परब्रह्म ॥

पाहून नयनी 
मिटेना पापणी 
मनाचीये धणी 
पुरेचि ना॥

सर्वांगी कंपनं 
उठले झणाण
मनाचे उधाण
मावळले ॥

हृदय व्याकूळ 
अवरूद्ध गळा
एकांती सोहळा 
चाललेला ॥

पेटले अंतर 
शीतळ दर्शने 
श्रीदत्ता जगणे 
चाळविले ॥

विक्रांत उजाड 
निरर्थ वाहणे
जाहले खोचणे
जाणीवेत ॥

डॉ. विक्रांत प्रभाकर तिकोने


कोणत्याही टिप्पण्‍या नाहीत:

टिप्पणी पोस्ट करा

लोभ

लोभ ****** फुटली उकळी  गाणे आले गळा  प्रेमे उजळला  गाभारा हा ॥ १ शब्द सुमनांनी  भरले ताटवे भ्रमराचे थवे  भावरूपी ॥ २ पसरला धूप  ...