बुधवार, ६ ऑगस्ट, २०१४

अशीच येतेस




अशीच येतेस अन मला
एक गाणं देवून जातेस
उगाच हसतेस अन मला
माझा विसर पाडून जातेस
वेडे व्हायचे तसे माझे
वय आता राहिले नाही
प्रेमा मध्ये धुंद होणे
पण अजून सरले नाही
साराच बहार वसंतातील
हाती हवा का पडायला
खूप असे हे सौख मिळे
डोळ्यांना या हृदयाला
सारे दु:ख हलके होते
देहामध्ये या भिनलेले
मनामध्ये पुन्हा जागती
सूर काही अन विझलेले

विक्रांत प्रभाकर
http://kavitesathikavita.blogspot.in/

कोणत्याही टिप्पण्‍या नाहीत:

टिप्पणी पोस्ट करा

रुतलेली आठवण

रुतलेली आठवण ************** मला घेरून राहिलेले हे एकाकी एकटेपण सवे माझी फुटकी नाव  अन निरर्थक वल्ह्वणे तरीही होतेच माझे हाक मारण...