कवितेसाठी कविता: जाळे

शनिवार, २२ मार्च, २०१४

आपण विणतो जाळे

जगण्यासाठी स्वत;ला

जाळ्याच्या गुंत्यात मग

घेतो गाडून स्वत;ला

पदाचे प्रतिष्ठ्तेचे

झगझगीत कपडे

घालतांना नकळत

करतो नग्न स्वत:ला

कधी कुठल्या ध्येयाचे

फाजील सत्ता केंद्राचे

नाव लावून दाराला

करतो दास स्वत:ला

अहो स्वामी महाराजे

जगायचे जगायला

काय कुण्या दारावरी

श्वान करणे स्वत;ला

तेच यावे अभिमानी

रक्त सळसळूनिया

साऱ्या बंधातून त्वरे

मुक्त करीत स्वत:ला

विक्रांत प्रभाकर

http://kavitesathikavita.blogspot.in/

कवितेसाठी कविता