कवितेसाठी कविता: गोरा गोरा रंग तुझा

बुधवार, २६ मार्च, २०१४

उन्हामध्ये जाळू नको

उगाचच राणी अशी

रानोमाळी हिंडू नको

अनवाणी पाय तुझे

तापलेल्या भूमीवरी

पाहुनिया बसतात

चटकेच माझ्या उरी

फुलूनिया आले झाड

मोहरांनी गंध धुंद

झाडाखाली थांब जरा

विझू दे ग सारे अंग

जरा जरा वारा घे ग

अंगावरी पदरानी

तापलेले श्वास तुझे

निवो मंद झुळुकांनी

काय तुला सांगू आणि

काय करू कळेनाचि

तुझ्यासाठी करतो मी

पायवाट काळजाची

विक्रांत प्रभाकर

http://kavitesathikavita.blogspot.in/

कवितेसाठी कविता