कवितेसाठी कविता: मतासाठी

शुक्रवार, १४ मार्च, २०१४

दर एक पाच साली

दारोदारी धावताती

हात जोडी पाया पडी

एक एक मतासाठी

निवडुनी आल्यावरी

भुर्रकन जाते गाडी

टक्केवारी साठी मग

लाडीगोडी तोडाफोडी

याची टोपी त्याची टोपी

टोपीखाली तीच डोकी

तोच राव तोच डाव

जमा करी पेट्या खोकी

याला मिळे त्याला मिळे

ज्याला मिळे तोच गिळे

ज्यांनी दिले दान राज्य

त्याचे हात सदा लुळे

विक्रांत प्रभाकर

http://kavitesathikavita.blogspot.in/

कवितेसाठी कविता