रविवार, २ मार्च, २०१४

सकाळ (नर्मदाकाठची कविता )




हिरवळी पानावर
काळसर मातीवर
इवलाले दवबिंदू
कोळीयांच्या जाळीवर

ओल साऱ्या झाडावर
किनारी दगडावर
जलपऱ्याची पावुले
उमटली फुलावर

पाण्यामधून धूसर  
धुके जात होते वर
श्वासातील उष्ण बाष्प
थंडगार वाऱ्यावर

झोतामध्ये तीक्ष्ण शीत
होती पण उबदार  
माईची सोबत अन  
हात सुन्न हातावर

विक्रांत प्रभाकर
http://kavitesathikavita.blogspot.in/









कोणत्याही टिप्पण्‍या नाहीत:

टिप्पणी पोस्ट करा

वरदान

वरदान ****** उगा उगाच पथात पाऊस पडुन गेला  थकल्या जीवा तजेला क्षणात देऊन गेला    मागेपुढे होता दग्ध रखरखाट सारा  व्याकुळले प्राण...