ज्ञानेशाच्या अंगणातून
विश्वाच्या प्रांगणात
पसरलेली विद्युलता
तेजस्वी स्वयंप्रकाशी
देह मनाच्या बंधनातून
देश काळाच्या शृंखलेतून
धर्म जातीच्या जोखडातून
मुक्त झालेली मनस्विनी
साऱ्या मानव जातीसाठी
तीच आकांक्षा बाळगणारी
मातृहृदयी करुणामयी मुक्ताई
ती करुणा आणि मैत्री
शब्दाशब्दातून प्रगट होणारी
धगधगीत अग्निशिखेची
ज्ञानयज्ञाची जणू मूर्ती
विक्रांत प्रभाकर
http://kavitesathikavita.blogspot.in/
कोणत्याही टिप्पण्‍या नाहीत:
टिप्पणी पोस्ट करा