जे.कृष्णमूर्तीच्या पुस्तकात
एकदा मला पाडगावकरांची
कविता सापडली .
तेव्हा पासून मी
पाडगावकरांची कविताच
वाचू लागलो .
वाचता वाचता एक दिवस
तिथे मला पुन्हा
जे.कृष्णमुर्ती भेटले
आणि म्हणाले
“ कळले का मी म्हटले होते ते,
लिहलेली कविताच
फक्त कविता नसते!”
मग मी पाडगावकरही
ठेवून दिले.
कारण,मला आता
शब्दात नसलेली कविता
कळू लागली होती .
डॉ.विक्रांत प्रभाकर तिकोणे
कोणत्याही टिप्पण्या नाहीत:
टिप्पणी पोस्ट करा