विमला ठकार

 

ज्ञानेशाच्या अंगणातून

विश्वाच्या प्रांगणात

पसरलेली विद्युलता

तेजस्वी स्वयंप्रकाशी

देह मनाच्या बंधनातून

देश काळाच्या शृंखलेतून

धर्म जातीच्या जोखडातून

मुक्त झालेली मनस्विनी

साऱ्या मानव जातीसाठी

तीच आकांक्षा बाळगणारी

मातृहृदयी करुणामयी मुक्ताई

ती करुणा आणि मैत्री

शब्दाशब्दातून प्रगट होणारी

धगधगीत अग्निशिखेची

ज्ञानयज्ञाची जणू मूर्ती

विक्रांत प्रभाकर

http://kavitesathikavita.blogspot.in/

विमालाजी गेल्यावर

खरच सांगतो,
विमालाजी गेल्यावर
मी इतका रडलो की
आई गेली तेव्हाच
तसा रडलो होतो .
विमलाजीवर आपण
किती प्रेम करतो
हे हि तेव्हाच कळले
खरतर ,

विमलाजींचा संबंध
म्हणजे ,
त्यांच्या पुस्तकांचा
अन तीन पत्रांचा

पण...
माझ्या आयुष्यावर
सर्वाधिक प्रभाव पाडणार
व्यक्तिमत्व केवळ त्यांचेच.

असे म्हणतात
आईवडिलांकडून आपल्याला
काही गोष्टी मिळतात
आनुवांशिक ,

तसे माझे हे मन
मला विमालाजींकडून
मिळाले आहे.
जरी अजून ते
मौनात नाही गेले,
ध्यानात नाही रंगले,
पण माझे त्यांचे नाते
मी पक्के जाणले आहे.

 विक्रांत प्रभाकर

http://kavitesathikavita.blogspot.in/