साबळे सिस्टर

बेल साबळे सिस्टर (श्रद्धांजली )

**********

साखर पेरल्या शब्दात .

साबळे सिस्टर बोलायच्या 

कधी कधी वाटायचे 

उगाचच मस्का लावायच्या 

पण ते तसे नव्हते कधी 

तो होता सहज स्वभाव त्यांचा 

वरिष्ठ कनिष्ठ सहकारी साऱ्यांना 

त्या सारखेच तोलायच्या 

किती सार्थ होते नाही 

त्यांचे ते नाव  बेल 

रुणझूण वाजणारी 

सांद्र स्वरात लहरणारी 

जणू प्रभूकटीची घंटीकाच

बहुतेक सर्व रुग्णांच्या लबकी  

त्यांना ठाऊक असायच्या 

अनेक काम चुकारांनाही 

सहज त्या हाताळायच्या

एक आदर्श सिस्टर म्हणून 

सदैव मला दिसायच्या

कधी भेटलो त्यांना शेवटचे 

ते आठवत नाही 

सेंड ऑफ कधी झाला 

तेही माहित नाही 

पण कधीतरी त्या झाल्या रिटायर 

भेटल्या नाहीत त्यानंतर 

पण माझ्या मेल मेडिकलमधील 

खूप खूप आठवणीत

होत असतो त्यांचा वावर 

जया सिस्टर बरोबर

त्या दोघी म्हणजे 

जसे असावेत राम लक्ष्मण सोबत

अथवा सूर आणि ताल यांची संगत

व्यक्ती आपल्या जीवनातून गेली 

तरी तिची स्मृती असते सतत 

त्या विरहाच्या नंतरही 

आपल्या मनात 

तोच प्रेमादर निर्माण करत

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  .

☘☘☘☘ ,🕉️