ज्ञानरायास आळवणी
**********'*****
कधी मजवर करशील कृपा आळंदीच्या बापा ज्ञानदेवा १
कधी दावशील निजरूप डोळा
तुज कळवळा का न येई २
लाविलेस कोटी कोटी जन पथी
का रे मजसाठी दुजाभाव ३
काय तुझ्याकडे मागतो मी स्वर्ग
धन राजभोग इहलोकी ४
कृपा कणभर स्पर्श क्षणभर
सारण्या अंधार देई मज ५
मिरविले तुज धरी त्याची लाज
करी माझे काज आता तरी ६
तुजविण नाही मजला आधार
पडे पायावर पुन्हा पुन्हा ७
नाही जरी देणे नेई माझे प्राण
करी गा उत्तीर्ण जगातून ८
कशाला वाहू रे देहाचे लोढणे
जगाच्या कारणे निरर्थक ९
विक्रांत दारात उभा पश्चिमेच्या
वाटा चालण्याच्या दावी देवा १०
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा