*********
मज ज्ञानदेवे पदी दिला ठाव दावियला गाव आनंदाचा ॥
होतो अडकलो गहन काननी
कळल्यावाचूनी सोडविले ॥
सांगितली रीत संसार धर्माची
मोक्ष पाटणाची खूण दिली ॥
काम क्रोध मोहे होतो लिबडलो
शब्दात न्हाईलो दैवी तया ॥
जहाले उजळ मनाचे पदर
प्रकाश पाझर ओघळला ॥
तयाच्या प्रेमाला नाही अंतपार
ओघळे अपार कृपा मेघ ॥
जन्म जन्मांचा मी झालो ऋणाईत
दारीचा आश्रीत सुखनैव॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्‍या नाहीत:
टिप्पणी पोस्ट करा