डिजे
****
बारा वाजू आले डोळे जड झाले
पिसाटले ध्वनी जिणे जड झाले
कर्कश्य आवाज भरला जगात
पैसा फेकुनिया मुले नाचतात
दिशाहीन धाव फाटल्या मनाची
चाले गदारोळ कर्कश्य संगीत
बधिरला मेंदू व्यर्थ उन्मादात
कसली ही भक्ती देवाच्या रे दारी
ही नच संस्कृती अगा ही विकृती
आधी दहा दिन कान फाटलेले
आता ह्या डिजेने प्राण उसवले
कुठे हा चालला कळेना प्रवास
धर्म नावाखाली चालला हैदोस
वाटते तो बरा होता रे कोरोना
शांति काठोकाठ भरली जीवना
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा