आस्थेचा दिवटा
************
तुजला आवडे खुळा भक्तीभाव तयाचा अभाव माझ्याकडे ॥१
देवा मी वाचले ग्रंथ ते अपार
तत्वज्ञानी थोर वारंवार ॥२
देवा मी ऐकले प्रवचने फार
तार्किक आधार लाभलेले ॥३
खुरटली भक्ती जगती आसक्ती
अशी काही वृत्ती आहे जरी ॥४
परी मी आस्थेचा घेऊनी दिवटा
धुंडीतसे वाटा तुझ्या देवा ॥५
येईल रे कधी तुझिया गावात
अथवा मार्गात पडेलही ॥६
पडलो जर मी ठेव उचलून
मागील पुसून सर्व काही ॥७
बस इतुकाच मजला वर दे
वाटेत राहू दे तुझ्या सदा ॥८
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा