भटकलो
*******
जरी भटकलो बहु भटकलो तुझ्या दारी आलो दत्तात्रेया ॥१
नको मोकलूस आता रे या दीना
ठाव दे चरणा एक वेळ ॥२
नवस सायास व्रत उद्यापन
झाली पारायण किती एक ॥३ .
तुज भेटण्यास बहुत शिणलो
आणि अडकलो अडमार्गी ॥४
अगा मी पामर गती नाही मती
गेलो अधोगती म्हणुनिया ॥५
परी तू दयाळ कृपेचा सागर
गुणदोष सार दुर माझे ॥६
करी गा स्वीकार घेई पदावर
नको येरझार व्यर्थ आता ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा