अवघडलेले प्रश्न
*************
अवघडलेले प्रश्न
उभे दारात दाटून
उगे उगेसे जीवन
स्तब्ध उत्तरा वाचून
वास्तवात स्वप्न पडे
पापण्यात ओघळुन
उडण्या आधीच जाती
पंख जणू कि जळून
धुक्यातील नाते जाते
वारीयात वितळून
जीवघेणे हिव अन
ठसठसे नसातून
मागतो ती उब गेली
दूर कुठे हरवून
चित्र शेकोटीचे तरी
घेतो उरी कवळून
हा कुणाचा खेळ चाले
कुण्या सुड चक्रातून
का वाहतो नशीब मी
होत असा पराधिन
डॉ.विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा