बोलायचेअसुनहि

बोलायाचे असूनही
*************:
बोलायाचे असूनही
बोलणे ते होत नाही
झेलायचे असूनही
ऋतू हाती येत नाही

ते फुलांचे रंग तुझे
 मज सोडवत नाही
 देही भिनलेला गंध
स्वप्न सोडवत नाही

 पांघरून तेच वेड
 मोहि चालतो मी धुंद
 हाय परी कुंपणाचा
 पथ येथे होतो बंद

पलीकडे तिच तुच
हरवून जीवनात
अन माझ्या  रिक्त हाती
येते धूळ ती उडत
, © डॉ.विक्रांत प्राभाकर तिकोणे
http://kavitesathikavita.blogspot.in