सोमवार, २१ जानेवारी, २०१९

दत्त स्मरा


दत्त स्मरा
***
करुणा कृपाळ
निर्गुण निर्मळ
भक्ताशी प्रेमळ
अवधूत ॥

ऐसा अवतार
नसे धरेवर
तया पदावर
लीन व्हावे ॥

ऐहिक देईल
सुखात ठेविल
प्रारब्धा ठाकेल
आड सदा ॥

मुक्ती तर त्यांनी
धरिली हातात
वाट ती पाहात
मागण्याची ॥

म्हणूनिया त्वरा
करा करा करा
श्री दत्तासी स्मरा
सदोदित ॥

विक्रांत जन्म हा
दत्ताला वाहिला
म्हणून जाहला
निश्चिंत रे ॥



©डॉ.विक्रांत प्रभाकर तिकोणे
http//kavitesathikavita.blogspot.in

कोणत्याही टिप्पण्‍या नाहीत:

टिप्पणी पोस्ट करा

पडणाऱ्या झाडास

पडणाऱ्या झाडास ************ झाड पडू आले झाडा कळू आले  वेलीनी सोडले बंध सैल आले घनघोर कुठले वादळ    उपटली मूळ अर्ध्यावर  कुठल्या ...