बुधवार, २३ जानेवारी, २०१९

दत्ताच्या शिवारी



दत्ताचा शिवारी
असे कुळवाडी
राखतो मी वृत्ती
तया कृपे 

कुंपण सावरी
गुरांना सांभाळी 
गोफन गरारी
घेई हाती ॥

सहा महाचोर
घुसता पिकात
नामाच्या धोड्यांत
घालू पाही ॥

त्रिकाळ राबतो
त्रिपुटी पाहतो
ॠतूंना जाणतो
आल्या गेल्या ॥

काम हे तयाचे
किती दिवसांचे
मज ना कश्याचे
मोजमाप ॥

तयाचे म्हणता
तयास स्मरता
सुख होय चित्ता
पुरे तेच ॥

कसतो विक्रांत
बसुनी देहात
दत्ताच्या शेतात 
आनंदाने
, © डॉ.विक्रांत प्रभाकर तिकोणे
http://kavitesathikavita.blogspot.in

कोणत्याही टिप्पण्‍या नाहीत:

टिप्पणी पोस्ट करा

पडणाऱ्या झाडास

पडणाऱ्या झाडास ************ झाड पडू आले झाडा कळू आले  वेलीनी सोडले बंध सैल आले घनघोर कुठले वादळ    उपटली मूळ अर्ध्यावर  कुठल्या ...