कवितेसाठी कविता: ज्ञानदेव ओठी

शनिवार, ७ जानेवारी, २०१७

ज्ञानदेव पोटी ज्ञानदेव ओठी

लावियली गोडी परमार्थी ||

इतुके सुंदर सांगावया येते

ज्ञान जे असते गूढ गम्य ||

पाहुनिया मनी विस्मय जाहला

आनंदे नाचला मनमोर ||

देवे मराठीत बांधला कैलास

विद्येचा विलास करुनिया ||

कळेना मजला शब्दास या वेचू

की ज्ञानास खोचू हृदयात ||

शब्दासवे कवि राज ज्ञानदेव

अंतरीचा भाव झाला माझ्या ||

विक्रांत उन्मत्त शब्दात डुंबत

अंतरी पेटत निवळला ||

डॉ.विक्रांत प्रभाकर तिकोणे

कवितेसाठी कविता