गुरुवार, १९ जानेवारी, २०१७

ज्ञानदेवा बापा..




पुढचे ते पाठ
मागचे सपाट
ऐसा आहे थाट
अभ्यासाचा ||

ओळखले शब्द
ठेवले लिहून
मनात अजून
अर्थ नाही ||

नऊशे सहस्त्र
पेटवल्या ज्योती
माझिया वाती
स्पर्श नाही ||

ज्ञानदेवा बापा
करी रे करुणा
अर्थाचा उगाणा
दावी मज ||

पूर्वेच्या राऊळी
होई नारायण
हरू दे अज्ञान
तुझ्यादारी ||

विक्रांत पाषाणा
स्पर्श तो घडावा
जन्म उजळावा
आकलनी ||

डॉ.विक्रांत प्रभाकर तिकोने




कोणत्याही टिप्पण्‍या नाहीत:

टिप्पणी पोस्ट करा

बाबा

प्रिय बाबासाहेब  *********** कृतज्ञतेच्या किनाऱ्यावर येवुन  तुम्हाला करतो आहे मी अभिवादन  कुठलाही रंग कुठलाही झेंडा  हातात घेतल्...