लाथाडते कुणी | लावे कुणी माथी |
मातीची हि गती | कळे कुणा ||
लोहाचीही माती | देहाचीही माती |
पंच महाभूती | बांधलेली ||
ऐशा या मातीचा | करुनिया गोळा |
अहंते फुंकला | कैसा कुणी ॥
मातीचा महाल | नभी पसरला |
आरशी लिंपला | देखणा पै ||
परी काळवशे | पुनरपी माती |
जन्म मृत्यू किती | भोगतसे |
विप्राची या माती | का न कळे कशी
झाली पुण्यराशी | सुकृताने ||
दत्त पायतळी | प्रेमे अंथरली |
पायधूळ झाली | कृपा त्यांची ||
विक्रांत प्रभाकर
http://kavitesathikavita.blogspot.in/
कोणत्याही टिप्पण्या नाहीत:
टिप्पणी पोस्ट करा