मायबाप स्वामी
************
मायबाप स्वामी माझे
बंधू-भगिनी सोयरे
तयार कृपा सावलीत
आहे माझे सुख सारे ॥
फार काही सेवा जरी
झाली नाही माझे हाती
हेतू विन प्रेम परी
करी माय भगवती॥
कृष्णमेघ आषाढीचा
उदार तो सर्वा ठाई
येता जरा अंगणात
प्रेमी तया चिंब होई ॥
पुरविले किती हट्ट
साथ दिली संकटात
दत्त दत्त म्हणे वाणी
स्वामी माझ्या हृदयात ॥
काय असे पुण्य होते
स्वामी आले जीवनात
विनवी विक्रांत तया
फक्त पदी राहू द्यात.॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
