मोरया
*****
मज मिळाली मोरया
पदापदावरी शांती
मज वरे देवराया
काम विघ्नांचे रे इथे
सदा संकटे आणणे
दीना गांजणे छळणे
सैरावैरा पळवणे
होता दास तुझा देवा
गेले दुःख ते पळून
झाले जगणे चांदणे
गेलो सुखाने भरून
अगा जगी तम नाही
ऐसे कधी झाले नाही
तुझे अधिष्ठान होता
दिव्य दिशा झाल्या दाही
मिळो मायेची पाखर
अन्य काही नको देवा
सदा रहा तू जीवनी
नित्य घडू दे रे सेवा
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
