******
काय वाढवले तुझे तू दलाल
झाले मालामाल देवराया ॥
कष्टाविना द्रव्य येई आपोआप
घेऊन या माप श्रद्धेचे ते ॥
कोण कुठे करे कैसे अनुष्ठान
कुणाच्या नावानं हास्यास्पद ॥
करे कि ते नाही कोण पाहतसे
दान तो देतसे अंधपणे ॥
देवाचा बाजार बाजारात देव
भयभीत भाव पोसतसे ॥
धर्मात लपले विज्ञान तो जाणे
त्याला हे खेळणे सारे वाटे ॥
ऊर्जेची स्पंदने जयास कळती
तयास मध्यस्थी नको वाटे ॥
विक्रांत साक्षीत उभा असे द्वारी
दत्त निराकारी जाणवेत ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️ .
