कृष्ण राधा लेबल असलेली पोस्ट दाखवित आहे. सर्व पोस्ट्‍स दर्शवा
कृष्ण राधा लेबल असलेली पोस्ट दाखवित आहे. सर्व पोस्ट्‍स दर्शवा

शुक्रवार, २० नोव्हेंबर, २०२६

उत्तर

उत्तर
*****
काही प्रश्नांना नसते 
कधीच कुठले उत्तर 
तरी असते जगणे 
ओझे घेत उरावर ॥
पुन्हा पुन्हा धाव घेते 
लाट जरी भूमीकडे 
परी येताच किनारा 
तिचे धावणे खुंटते ॥
पुन्हा पुन्हा तेच प्रश्न 
पुन्हा पुन्हा तीच ओढ 
भावनांच्या वावटळी 
तीच पुन्हा तोड मोड ॥
सीमारेषा शाप जरी 
तोच होतो उ:शाप ही
प्रश्न तेच जगण्याला 
बळ देती कधी काही ॥
नसू दे उत्तर आणि
जीव जळू दे विरही 
सदोदित याद मनी 
हे ही काही कमी नाही ॥

🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  
☘☘☘☘ 🕉️ 

राजे

राजे *********** राजे जाणते मिळणे मुश्किलच आहे आता खिसे फाटके शिवणे मुश्किलच आहे आता मश्गुल सत्ता सामर्थ्यी गल्लीतला भाई छोटा मग...