घडव जगणे
*********
घडव जगणे माझे दत्तराया
रोग भोग माया हरवून ॥
तुझिया पायीचा करी रे सेवक
भक्तीचे कौतुक दावुनिया ॥
यावी क्षणोक्षणी तुझी आठवण
तयाविन मन हलू नये ॥
झिजो माझी काया तुझ्या भक्तीसाठी
नको आटाआटी व्यवहारी ॥
ठेवील तू तैसा राहीन मी दत्ता
नुरो देई गाथा भिन्नत्वाची ॥
जळणे विझणे नसे दीपा हाती
पाजळणे ज्योती पेटविल्या ॥
तैसे कर्म घडो तुवा ठरविले
शून्य असलेले माझेपण ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा