दत्त व्हावे
********
इथे तिथे मज दिसो दत्त फक्तजगण्याच्या आत एकमेव ॥
नको माझेपण जीवनाचे भान
व्यापून संपूर्ण राहो दत्त ॥
कुणा काय देणे कुणाचे वा घेणे
दत्ता विना उणे होऊ नये ॥
साध्य साधनेचे साधनची व्हावे
दत्तात नांदावे सर्वकाळ ॥
प्रश्न जगण्याचे प्रजा प्रपंचाचे
आजचे उद्याचे दत्त व्हावे ॥
एकच उत्तर अवघ्या प्रश्नाला
यावे आकाराला दत्त रूपी ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा