अर्थ

अर्थ

****

ज्याच्या त्याच्या जीवनाचे

मार्ग ठरलेले असतात 

ज्याच्या त्याच्या जीवनाला

अर्थ काही असतात 

अर्थ मानलेला असो 

किंवा अर्थ ठरलेला असो 

ओघ सर्व झऱ्या-ओढ्यांचे 

शेवटी सागरातच जातात

अन् अर्था वाचून जगतात

त्याला खरेच अर्थ  नसतात?

विशाल वृक्षाची अज्ञात मुळेच

ज्ञाताला अर्थ देत असतात 

अर्थ शोधू म्हणणाऱ्याला 

अर्थ सापडतोच असे नाही 

कारण अर्थ शोधात नसतात 

अर्थ जगण्यात असतात 

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ .