देव तत्व
*******
जैसे ज्याचे मन
तैसा भगवान
तैसे चे दर्शन
तया होई ॥१
राम शिव कृष्ण
रूप ही सगुण
कुणाला निर्गुण
रुचतसे॥२
तर मग खरा
देव असे कोण
पहावा शोधून
ज्याचा त्याने ॥
सगुणाची काया
निर्गुण आकाश
आवडीचा भास
ज्याचा त्याचा ॥
चित्ती अवतरे
देव कुणा एक
होय प्रकाशक
तोच तया
काचेचा तो हट्ट
कोणी करतात
आणि धावतात
दुजी तोडू ॥
तया या मूढांची
मनेची ओखटी
तम अरबडी
वेढलेली ॥
विक्रांत दत्ताचा
पाहतो रूपाला
जाणून तत्त्वाला
सर्वव्यापी ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘.२६२
कोणत्याही टिप्पण्‍या नाहीत:
टिप्पणी पोस्ट करा