देव
****
देव सांडून सांडेना देव मोडून मोडेना
देव कोंडून कोंडेना
मना माजी ॥
देव हाती गवसेना
देव चित्ती सापडेना
देव रीती आकळेना
पुजाऱ्यांच्या ॥
देव करुणा असे का
देव प्रेरणा असे का
देव जीवना असे का
सूत्रधार ॥
माळ जपून पटेना
ध्यान करून गटेना
ज्ञानी गुंतून येईना
जाळ्यामाजी॥
देव असला कसला
सदा छळतो प्रेमळा
प्रश्न विक्रांता पडला
सुटेनाची ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘. २५४
कोणत्याही टिप्पण्या नाहीत:
टिप्पणी पोस्ट करा