मंगळवार, २२ फेब्रुवारी, २०२२

देव

देव
**** 
देव सांडून सांडेना 
देव मोडून मोडेना 
देव कोंडून कोंडेना 
मना माजी ॥

देव हाती गवसेना 
देव  चित्ती सापडेना 
देव रीती आकळेना 
पुजाऱ्यांच्या ॥

देव करुणा असे का 
देव प्रेरणा असे का 
देव जीवना असे का 
सूत्रधार ॥

माळ जपून पटेना 
ध्यान करून गटेना 
ज्ञानी गुंतून येईना 
जाळ्यामाजी॥

देव असला कसला
सदा छळतो प्रेमळा
प्रश्न विक्रांता पडला 
सुटेनाची ॥

🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘. २५४

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळ्यामधले  स्वप्ना  लंघुनी स्वप्न उरले ॥१ नभात लक्ष दीप उजळले  चांदण्याचे तोरण झाले ॥२ कणा...