मनापार
:*****
अवघे जंगल आहे रे मनाचे
सुंदर स्वप्नांचे
गाव जरी ॥
काय मन कधी
होय मना पार
मनाचा शृंगार
सोडुनिया ॥
मना हवी मुक्ती
मना हवी भुक्ती
मना हवी शक्ती
मनासाठी ॥
मनाचा तुरुंग
देईल का मुक्ती
वाढवून शक्ती
आपलीच ॥
मनाचा तुरुंग
तुटल्या वाचून
येईल घडून
कधी मुक्ती ॥
संताचे वचन
मनात रूजून
विक्रांत बसून
राही उगा ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘.२६३
कोणत्याही टिप्पण्या नाहीत:
टिप्पणी पोस्ट करा