वृक्ष प्रकाश आणि
मी
******************
माझ्या घरात
येणारा
प्रकाश अडवून
उभा आहे हा वृक्ष
घनदाट हिरव्या
पानांचा
त्याच्या ओल्या
फांद्या
ओले काळे खोड
अन ओली गर्द पाने
तृप्तीच्या
आनंदाने
डोलत असतात
मला माहित आहे
त्या प्रकाशावर फक्त
माझाच अधिकार
नाही
तरीही त्या दाट
फांद्या
छाटून टाकण्याचा
विचार
मनातून झटकता येत
नाही
खरतर माझ्या
पेक्षाही
त्यालाच जास्त
गरज आहे
त्या प्रकाशाची !
त्याच्या त्या
स्वामित्वाचा
अन अधिकाराचा
मी करताच स्वीकार
सारे घर
प्रकाशाने
भरून जाते
काठोकाठ !!
डॉ.विक्रांत
प्रभाकर तिकोणे
कोणत्याही टिप्पण्‍या नाहीत:
टिप्पणी पोस्ट करा