प्रकाशाची आभा
************
तू प्रकाशाची आभा
होवून हसतेस जेव्हा
मी तारकांच्या
जगात होतो आकाश तेव्हा
तू खळखळता झरा तू
आकाशीचा वारा
मी होवून पाचोळा
म्हणतो सांभाळ जरा
तुझे मुक्त वाहत
जाणे रूप सरिता होणे
मी तरतो तुझ्यात
तुझे होवूनिया जगणे
तू फुल ग चाफ्याचे
मदिर मधुर गंधाचे
दरवळती मनात क्षण
तुझ्या सोबतीचे
तू हृदयी सजले
गाणे धुंद संगीत तराणे
जणू मनात जागले स्वप्न
रेखीव देखणे
डॉ.विक्रांत
प्रभाकर तिकोणे
http://kavitesathikavita.blogspot.in/
कोणत्याही टिप्पण्‍या नाहीत:
टिप्पणी पोस्ट करा