तेव्हा ही पाऊस
होता
***************
तू मला भेटलीस
पहिल्यांदा
तेव्हा ही पाऊस
होता
तुझ्या माझ्यातला
द्वैताचा
पडदा मिटला
तेव्हाही पाऊस
होता
बाळाची चाहूल
लागली जेव्हा
पाऊस किती दाटून
आला होता
आणि बाळाच्या
खिदळण्यात
पाऊस ही निनादात
होता
किती गंमत वाटते
जणू जीवनातील
प्रत्येक पर्वात
तो सदैव साथ करीत
होता
बदली, प्रोमोशन,
घर बदलणं
मुलांचे अॅडमिशन
सगळे यायचे ठरवून
पावसाळ्याचा
मुहूर्त पाहून
आणि जेव्हा तुटली
तावदान
दुराव्याचे
निमित्त होवून
तेव्हाही पाऊस
होता
आणि तेव्हापासून
काहीही झाले
तरीही
पाऊस पडतच नाही
का काही घडतच
नाही
कुणास ठावूक
डॉ.विक्रांत
प्रभाकर तिकोणे
http://kavitesathikavita.blogspot.in/
कोणत्याही टिप्पण्या नाहीत:
टिप्पणी पोस्ट करा